--Ads--
Kinumpirmaran ti Department of Budget and Management nga inaprubaran ni Presidente Ferdinand Marcos Jr ti panang-hire kadagiti 20,000 a mangisursuro ita a tawen.
Segun ken ni Budget Secretary Amenah Pangandaman, daytoy ket kas maisurot iti kalikagum ti presidente a siguradoen ti kalidad ti edukasyon ken matutukan dagiti estudiante.
Umabot iti 4,000 ti nayon a Teacher 1 positions a ma-hire iti salinong ti batch 2 a kiddaw ti Department of Education.
Nasurok 1,600 ti para iti kindergarten/elementary, 391 para iti junior high school, ken 1,951 para iti senior high school.
-- ADVERTISEMENT --
Immunan a naaprubaran idi Mayo ti 16,000 a posisyon para iti pakabuklan a 20,000 a mangisursuro a request ti DepEd.
