VIGAN CITY – Inlawadawan ni Police Master Sergeant Reynaldo Del Rosario asawana ni Judge Geraldine a nasingpet a tao ken mannakigayyem kadagiti umili.
Iti pannaki-uman ti Bombo Radyo Vigan kenni Del Rosario, awan iti naibagana kenkuana ti kapisi ti pusona a parikot ken naragsak kadagiti napalabas nga aldaw ken uray iti trabahona kas maysa nga huwes.
Masansan a mapmapan nga agpagna-agpana ti igid ti baybay ken agdigos no sagpaminsan ti asawana wenno saan ket mapan agwalking iti igid ti national highway.
Sakbay a nasarakan ti bagina ket nakitada ti CCTV a rimmuar iti oras ti alas kwatro bainte ti bigat iso a madanaganda idi saan a nakasubli ta agpaot ti tallo pulo a minutos iti panagruarna iti binigat.
Innayon ni Del Rosario a namin uppatna a pinanawen iti pwesto a banbantayanna bayat iti UniTeam caravan idi kalman tapno sapulen laeng ti asawana agingga a nakadanun kenkuana ti damag a nasarakan ti bagi ni Judge Del Rosario iti igid ti baybay.
Liday iti marikna ni Alberto Arquero Ramos, ama ni Judge Geraldine ta iso iti inunaan a putotna ken linagipna iti kinalaingna ken kinatulnogna kas maysa nga anak.
Saanen a maidalan ti autopsy ti bangkay ni Judge Geraldine ta awan iti foul play iti pannakatayna ta awan iti nakita a dunor ti bagina.
