Nadismaya ni Akbayan Partylist Rep. Dadah Kiram Ismula kalpasan a saan a nanayonan ti P74billion budget ti Philippine Health Insurance Corporation (PhilHealth) para sa 2027, iti baet ti panawagan ti Department of Health (DOH) ken PhilHealth para iti nayon a pondo.
Segun ken ni Ismula, adda nailatang a P140 billion manipud iti sin tax revenues a mabalin nga aramaten tapno manayonan ti pondo ti Philhealth ken mapalawa ti serbisio ti salun-at para kadagiti Pilipino.
Impaganetget ti agpampanday-linteg, a nasken a mapapigsa ti budget ti Philhealth imbes a mangnamnama iti Medical Assistance for Indigent and Financially Incapacitated Patients (MAIFIP) ti DOH tapno masolusyonan ti pagkasapulan dagiti marigrigat a pasyente.
Binallaagan ni Ismula a mabalin nga ad-adu a marigrigat a Pilipino ti mapilitan nga aggasto ti dakkel para iti panagpaospital ken panagpaagas wenno mangnamnama iti panagkiddaw ti tulong kadagiti pulitiko.
