VIGAN CITY – Talloribo a dolyar ti maawat ti tunggal pamilia idiay Maui, Hawaii nga aggapu ti gobierno kas tulong kadakuada iti kangitingitan ti pangta ti cpronavirus iti sangalubongan kas pinasingkedan ni Bombo International Correspondent Elmer Pere.
Segun ken ni Pere, inaldaw latta nga adda mainanayon kadagiti kaso ti COVID 19 idiay Hawaii ken adu ti naapektaran ti pagtrabahoanna ngem no pay kasta ket natalek a maparmek met laeng iti nasao a virus.
Malaksid iti dayta, makanay met dagiti nadumaduma a supply ti magatgatang iti nasao a pagilian ngem no kadagiti magatang a tissue, alcohol, ken sanitizer ket isu ti maibusan ta adu dagiti tao nga aggatang.
Dagiti laengen grocery store iti nakalukat idiay Maui agsipud ta dagiti dadduman nga establisyimento ket nakasarra dan.
