VIGAN CITY – Naiyawiden idiay Pidigan, Abra iti bangkay iti maysa kadagiti mannalon a nakuryente idi naminsan nga aldaw idiay Sitio San Gregorio, Barangay Cabittaogan, Sta. Catalina idi alas onse iti agsapa idi June 24 a ni Christian John Apolinar idinto a ni Mauricio Rafanan Racsa a kadua na ket nakaimasayag met iti bangkay na iti pagtaengan da idiay Barangay Cabittaogan.
Pinasingkedan ni Police Captain Richard Cario, hepe ti Sta. Catalina municipal police station nga adda ti basol ti akin-kukua ti water pump iti pannaka-kuryente dagiti dua ta manipud iti breaker, ti wire a nausar ket adda nagsilpoan na ngem service drop iti nausar isu nga uray ground laeng, nu maiggaman iti maysa a tao ket sigurado a makuryente.
Malaksid iti dayta, nababa pay iti pannakaiwayat iti wire ta kabaelan a gaw-aten ti ubing.
Nu pay kasta, awanen iti plano ti pamilya dagiti biktima a mangipila iti kaso kontra ti akin-kukua iti nasao nga electric water pump nu la ketdi tumulong isuna iti gastos da iti pannakaimasayag ken pannakaitabon dagiti dua a biktima.
