Vigan City – Alallukuyen ti mangidaulo ti Civil-Military Operations 81st Infantry Battalion a ni Major Rogelio Dumbrique nga agreport dagiti umili no man bilang adda iti impormasyonda inaig iti paglemlemmengan dagiti NPA Commander.
Dayta keyt maysa nga addang ti gobierno tapno maleppas iti insurgency iti pagilian a maysa kadagiti kangrunaan a kampania iti agdama nga administrasyon.
Kiddaw ni Dumbrique a makitinnulong dagiti umili tapno maparmek dagiti NPA Commander ta kas iti indiaya ni Presidente Rodrigo Duterte a dua a milyon a pisos ket maited kadagiti makaitudo iti paglemlemmenganda.
Inyunay-unayna met a rumbeng nga awan iti pakadanagan dagiti agsarita ta no man bilang ket maikkanda met iti proteksyon ta masukatan pay iti pakabigbiganda, maiyakar iti sabali a lugar, maikkan iti daga, pagtaengan ken trabaho dagiti agsarita tapno awan iti makatunton kadakuada a miembro iti NPA.
Kabayatanna, kinuna pay a dagiti mabalin nga asitgan iti panangipakaammo kadakuada iti impormasyon ket amin a unit iti Army ken Philippine National Police.
