Kinumpirmaran ni PAGCOR Chairman Alejandro Tengco a sisasaganada iti posible a pannakaiparit dagiti POGO iti pagilian gapu iti krimen a mapaspasamak.
Iti panagdengngeg ti senado, kinuna ni Tengco a nakasaganada a sumuporta no agdesisyon ti Malacanang a patakyasen iti pagilian dagiti POGO.
Ti kakaisuna a pampanunotenda ket ti posible a revenue a mapukaw manipud iti POGO ken ti trabaho dagiti 200K a mangmangged.
Immunan nga insingasing ni Finance Secretary Ralph Recto iti Malakanyang ti pannakaiparit dagiti POGO iti pagilian a nakaragsakan met ni Senate Committee on Ways and Means Chairman Sherwin Gatchalian.
Segun ken ni Gatchalian, nabayagdan nga iadadbokasiya ti pannakaiparit dagiti POGO hub gapu kadagiti krimen kas ti human ken sex trafficking, serious illegal detention, money laundering, torturem ken online scamming.
