VIGAN CITY – Nangiparuaren ti Ilocos Sur Provincial Government ti pagannurotan iti pannakaipalubos ti biahe dagiti Public Utility Buses ita a naidalan iti MGCQ ti probinsia.
Duapulo a bus units ti mapalubosan nga agbiahe a sumrek ken rumuar iti Ilocos Sur – sangapulo ti mapan ken aggapu iti Candon City ken sangapulo iti mapan ken aggapu iti Vigan City.
Kasapulan a dagiti units ket rehistrado ken addaan da iri personal passenger insurance policy pakairamanan ti Global Navigation Satellite System tapno masigurado ti monitoring dagiti lugan.
Malaksid iti dayta, masapul nga adda QR Code a maidownload babaen iti www.ltfrb. com nga isu ti iprint dagiti operators iti short bond paper ket maikabil iti sangwanan ti windshield.
Dagiti drayber, conductor ken dispatcher ket dumalan iti mandatory Antigen Test iti tunggal lawas; agaramatda ti facemask pakairamanan dagiti pasahero a maparitan nga agaramat ti cellphone ken agpipinnatang iti uneg ti bus.
Point to point ti biahe manipud ti naggapuanda ken iti papananda isu a saan a mabalin nga agilugan ken agidessaagda kadagiti pasahero.
Kasapulan nga adda ti barracks kadagiti drayber kadagiti drayber, conductor ken dispatcher kasta payen a masapul a mailasin ti pagurayan dagiti agsangpet ken pumanaw a pasahero.
Kabayatanna, masapul a dumalanda iti inspeksion ti Ilocos Sur border ket mabilang dagiti pasahero a nakalugan
