Marugianen ti panangtratar ti House of Representatives inton bigat ti P7.2 trillion a proposed national budget para 2027.
Segun ken ni Manila Rep. Bienvenido Abante Jr., intuding ni Nueva Ecija Rep. Michaela Suansing, chairperson ti House Committee on Appropriations, ti deliberasion inton bigat.
Marugian ti deliberasion iti briefing ti Development Budget Coordination Committee mainaig iti pagtaudan ti pondo, kadakkel ti magastos, ken dagiti proposed budget ti nadumaduma nga ahensia ken government-owned and controlled corporations (GOCCs).
Karaman iti DBCC ti Department of Budget and Management (DBM), Department of Economy, Planning and Development (DEPDev), Department of Finance (DOF), ken Bangko Sentral ng Pilipinas (BSP).
Inton Martes met ket dumngeg ti House appropriations panel iti briefing ti Philippine Amusement and Gaming Corporation (PAGCOR).
