Natakawan ti San Lorenzo Ruiz Parish Church idiay Barangay Puro, Magsingal, Ilocos Sur iti 2 a chalice cup nga aggatad amin iti P40,000.
Ti suspek ket maysa a babai a saan pay nga ammo ti pakabigbiganna.
Nakaawat ti Magsingal Police Station iti tawag manipud ken ni Rev. Fr. Del Balanag Ronquillo a Parish Priest ti simbaan tapno ireport ti napasamak a panagtakawan.
Dagus a nagresponde dagiti pannakabagi ti linteg ket nadukatalanda a mapukpukaw dagiti 2 a chalice cups ti padi.
Maibasar iti CCTV footage, alas nuebe trenta y siete iti bigat ti Marso 2, 2026, maysa a mapapati a babai ti simrek iti simbaan a nakapayong tapno saan a mabigbig, ket iti alas dyes syete iti bigat, pinanawanna ti simbaan a nakaiggem iti supot.
Mapapati nga intaray ti suspek dagiti dua a chalice cup a ti kada maysa ditoy ket aggatad iti P20,000 isu a pakabuklan a P40,000 dagiti natakaw a chalice cup.
