Mapatta-patta a P30 million ti gatad ti saan a rehistrado a vape products iti naala ti NBI-Special Task Force ti maysa nga storage facility idiay Biñan City, Laguna.
Segun ti NBI, nakemmeg iti operasyon da Kert Lester Simbajon, Javer Dirampatun, ken Romeo Cada a sumangsango kadagiti kaso a panaglabsing ti Republic Act No. 11900 wenno Vape Regulation Act ken Republic Act 10175 wenno Cybercrime Prevention Act babaen ti bileg ti bilin ni retired NBI Director Judge Jaime Santiago a paingeten ti kampania kontra illegal a vape.
Nagtaud iti operasyon iti social media monitoring iti NBI a nakadiskubre-an iti illegal a panagilako ti vape idiay Cavite ken Laguna.
Napaneknekan a karaman iti panagilakoan ti vape nga awan ti BIR tax stamp ken DTI registration ti Hype VapeShop idiay Bacoor City, Cavite babaen ti test-buy.
Nakisinnarak dagiti undercover agent kadagiti suspek iti maysa a coffee shop idiay Muntinlupa ken naipanda iti maysa nga storage facility idiay Rose Village, Sta. Rosa, Laguna.
Iti nasao a lugar ket nakita ken nakumpiskar iti 40,500 vape units nga aggatad ti P31.9 million ken 3,880 vape pods nga aggatad ti P640,200.
Naidalanen ti inquest proceedings dagiti suspek.
