VIGAN CITY- P200,000 ti gunguna nga ited ti lokal a gobierno ti Santa iti makaitudo ti suspek a nangpapatay kenni Mary Joy Ragunton, agtawen ti 41 ken taga Cabittoagan ,Sta. Catalina a lamo-lamo a bangkayen ken adda donor iti ulo na idi nasarakan da iti kabaybayan idiay Santa.
Segun kenni Mayor Jesus Bueno Jr., tarigagayan da a maipaay ti hustisya iti pannakapapatay ni ragunton nga immunan a naireport a mapukpukaw idi hulyo baente tres.
Iti agdama ket sapsapulen dagiti otoridad dagiti posible a person of interes iti krimen.
Kabayatanna, nagyaman met ti anak ti biktima a ni Darrel James Ragunton iti lokal a gobierno ti Santa ket agtultuloy iti panagkararag da tapno magun-od ti hustisya iti pannakapapatay ti ina na.
Inaklon met ni Darrel nga agingga ita ket saan da pay a naawat ti napasamak ti ina da ket kiniddaw na kadagiti adda ammo na nga impormasyon nga ipakaammo da kadagiti otoridad tapno mapadaras ti imbestigasyon.
