--Ads--
Nagbaliktad ti maysa nga 18-wheeler truck iti national highway idiay Barangay Magsaysay, Sitio Piddeg, Santa, Ilocos Sur idi rabii, April 21, 2026.
Ti nagmaneho iti Isuzu 18-wheeler truck ket lalaki nga agtawen iti uppat a pulo ket tallo nga agnaed idiay Baruyen, Bangui, Ilocos Norte.
Naammoan a ti truck ket agturong iti amianan a direksion idin nadanonna iti nasao a lugar ket saan a natansya ti nagmaneho iti agsikko a paset isu a naawanan iti kontrol a gappuanan ti panagbaliktad ti truck ken natinnag iti akin-kannawan a paset iti kalsada.
Gapu dayta ket na-damage ti lugan pakairamanan ti kargana ngem saan nga ammo no mano ti gatad ti nadadael a paset.
-- ADVERTISEMENT --
No pay kasta ket saan a naan-ano ti driver ken pasahero iti nasao nga aksidente.
