--Ads--
Naikkat ti P124 million nga utang ti Agrarian Reform Beneficiaries iti agduduma nga ili idiay Tarlac iti certificates of condonation nga inwaras ni President Ferdinand Marcos Jr.
Indauluan ni Marcos ti panagiwaras iti 4,663 certificates of condonation a sakup iti 4,132 nga ektarya iti daga iti nasurok 3,500 a benepisyaryo.
Ti pannaka-ikkat iti utang dagiti akin-kukua iti daga ket kasaruno iti New Agrarian Emancipation Act.
Segun ti presidente, iti laksid iti saan a nasayaat a panawen gapu ti Bagyo Julian ket pinilitna a dimmar-at iti taripnong tapno ipaay iti arapaap ti minilion a Pilipino a maaddaan ti bukodda a daga ken maawanen dagiti utangda.
-- ADVERTISEMENT --
