--Ads--
Kinemmeg dagiti otoridad ti P1.65 million a kuarta manipod iti maysa a babai iti checkpoint ti Commission on Elections idiay Muñoz, Nueva Ecija.
Segun ti Philippine National Police (PNP), mapapati a maaraat iti vote buying iti kuarta a naala iti nasao a probinsia.
Pinasingkedan ti agtawen iti tallopulo ket walo a suspek nga adda kenkuana ti kuarta ngem awan ti naipalita a dokumento mainaig dayta.
Insigida a nakemmeg ken napilaan iti kaso a panaglabsing ti Section 28 ti Comelec Resolution No. 11104 a mangiparit iti panagitugot iti dakkel a gatad ti kuarta iti panawen ti eleksyon nga awan ti pammalubos.
-- ADVERTISEMENT --
