Immapela ti opisina ti Overseas Workers Welfare Administration (OWWA) iti House of Representatives nga i-ngato ti nakailatang a pondo ti ahensia para iti emergency repatriation program inton sumaruno a tawen.
Pinasingkedan ni OWWA Administrator Atty. PY Caunan nga imbes nga ikkatan ti pondo, nasaysayaat a nayonan daytoy tapno ad-adu nga Overseas Filipino Workers (OFWs) ti matulongan iti tengnga dagiti krisis iti sabali a pagilian.
Basar iti 2027 national budget, bimmaba iti P900 milyon ti alokasion para iti emergency repatriation, nababbaba no ikumpara iti P1.2 bilyon a pondo a naited napalabas a tallo a tawen.
Inlawlawag ni Caunan a saan a naan-anay ti nadakamat a gatad aglalo iti kumarkaro a sitwasion idiay Middle East ken dadduma pay a rehiyon no sadino adu a Pilipino ti agtratrabaho a posible nga agkasapulan ti dagus a panagbakwit.
