Kinumpirma ni OVP Assistant Chief of Staff Lemuel Ortonio nga isuna ti mangimatmaton iti panagirruar, panagaramat ken liquidation ti pondo ti Office of the Vice President (OVP) ni Vice President Sara Duterte.
Pinasingkedan ni Ortonio nga awan ti confidential fund ti OVP idi agtugaw isuna iti puwesto idi Hulyo 2022 ken maipagarup nga awan met idi panawen ni dati a Vice President Leni Robredo.
Gapu daytoy, nagkiddaw ti OVP ti confidential funds iti Department of Budget and Management babaen iti surat nga adda petsa na nga Agosto 22, 2022.
Impakita ti prosekusyon a ti surat ket awan ti naikabil a computations wenno attachments.
Naipakita pay ti Physical and Financial Plan (PFP) nga adda petsa na a Setyembre 16, 2022, dandani maysa bulan kalpasan ti request ti DBM no sadino kinumpirma ni Ortonio a saan a dimmalan iti opisina ti PFP.
Segun ken ni Ortonio, ti confidential funds ket nakiddaw para iti natalged a panangipatungpal dagiti aktibidad ti Good Governance Program ken dagiti opisial nga engagement iti uneg ken irruar ti pagilian.
