Saan a nakaipasa ti Office of the Vice President (OVP) iti salinong ni Vice President Sara Duterte dagiti opisyal a resibo wenno sales invoice tapno mapaneknekan nga adda nagatang nga alikamen kas ti lamisaan, tugaw, desktop computer ken printer babaen ti confidential funds.
Dayta iti pinasingkedan ni Commission on Audit (COA) Witness Xylene Mae del Campo iti Intelligence and Confidential Funds Audit Office iti maika-sangapulo ket lima nga aldaw nga impeachment trial ni Duterte.
Kinuna ti testigo ti prosecution a saan a confidential dagiti ordinary a paglakoan nga agilaklako iti office supplies ken dadduma pay a commercial products, isu a kasapulan iti husto a resibo wenno invoice tapno mapaneknekan a pudno dagiti napasamak a panaggatang.
Insungbat ni Del Campo idi nagsaludsod ni Presiding Officer Francis Chiz Escudero a no gumatang iti supplies, taraon, ken agas, ket standard procedure nga adda resibo a maawat manipod iti establishyimento.
Sinaludsod pay ni Escudero ni del Campo no iti salinong ti Joint Circular No. 2015-01 ket kasapulan a talaga ti invoice wenno resibo para iti panaggatang iti taraon, agas ken dadduma pay a supplies babaen ti confidential funds ket kinuna ni Del Campo a wen tapno ma-ascertain a naaramat ti pondo para iti purchases of supplies, food ken medicines.
