VIGAN CITY – Dakkel iti posibilidad a maala iti pagilyan iti overall championship title para iti 30th Southeast Asian Games gapo iti agtultuloy a pannakagun-od dagiti atleta ti balitok a medalya pakisalsalipan da nga event.
Maibasar iti partial ken unofficial medal tally ti Bombo Radyo Philippines iti nasao a regional biennial meet, agtaltalinaed iti umuna a puwesto ti Pilipinas a nakaala ti pito pulo ket maysa a balitok a medalya.
Maikadua a puwesto ti Indonesia a nakaala ti uppat a pulo a balitok a medalya a sarunwen iti maikatlo a pagilian ti Vietnam a nakaala ti tallo pulo ket walo a balitok a medalya.
Ti Malaysia nga over-all champion idi napalabas a biennial meet idi 2017 ket natnag iti maikalima a puwesto ta dua pulo ket walo a balitok a medalya pay laeng iti naala da a basbassit nu iyarig ti Singapore a nakaala ti tallo pulo ket dua a balitok a medalya nga adda ti maikapat a puwesto.
