VIGAN CITY – Impannakkel ni PCol. Wilson Doromal dagiti maudi nga accomplishment sakbay a nasukatan kas Provincial Director ti Ilocos Sur Police Provincial Office.
Imbingay ni Col. Doromal dagiti resulta ti naisayangkat a Simultaneous Anti Criminality law Enforcement Operation wenno SACLEO idi kalman.
Kadagiti nadumaduma nga operasyon pito a wanted person ti nakemmeg; duapulo a tattao ti nakemmeg a nagsusugal; 5.8 milyon a pisos a marijuana eradication; uppat a buy bust operation; tallo a nakemmeg ti illegal a paltog babaen ti search warrant; sangapulo ket dua a naisuko a paltog; dua pulo ket dua a paltog a naipaima babaen ti Oplan Katok; tallo a nangisanud ti suportada kadagiti rebelde; dua a high value individual drug personality a simmuko ken uppat a pampabettak a naisuko.
Nagyaman ni Col. Wilson Doromal kadagiti amin nga umili ken kameng iti PNP iti Ilocos Sur a nangsuportar ti programana a Triple Impact.
