--Ads--
Pinasingkedan ti Department of Budget and Management ken Department of Education nga awanen iti puesto dagiti opisial manipud iti ahensia a nainaig iti mapapati nga overpriced laptop a nagatang para kadagiti mangisursuro idi pandemia.
Dayta ket kalpasan ti panangibilin ti Office of the Ombudsman ti panangipila iti kaso a kriminal kontra iti dati nga Education Secretary Leonor Briones ken sangapulo ket tallo pay a sabali.
Karaman pay dagiti dati nga opisial ti Procurement Service ti DBM a nainaganan iti reklamo da Lloyd Cristopher Lao, Jasonmer Uayan, Ulysses Mora, Marwan, ken Paul Armand Estrada.
Impasigurado met dagiti dua nga ahensia a makitinnulongda iti Ombudsman para iti imbestigasyon.
-- ADVERTISEMENT --
