Agsubli ita nga aldaw ti operasion ti Small-Town Lottery iti Ilocos Sur kalpasan ti panangaprubar ti Philippine Charity Sweepstakes Office iti aplikasion ti B. Suerte, Incorporated nga imatonan ni dati a Vigan City Mayor Jose ‘Bonito’ Singson.
Iti pannaki-uman ti Bombo Radyo Vigan ken ni Singson, ikarina nga addanto dagiti pagbaliwan ti STL iti probinsia ta adu dagiti napanunotda a pagsayaatan dagiti sales agent ken dagiti agpusta.
Ngem iti agdama ket masurot pay laeng ti dati a masursurot a mechanics ken payout.
Mangrugi ti first ball iti alas dyes iti agsapa ita a bigat, second ball iti alas tres ti malem, ken last ball iti alas siete iti rabii.
Nupay kasta, inawis ni Singson dagiti agtaytaya a mabalinda manen ti agpusta kadagiti tagigasatenda a pagtayaan.
