Impaganetget ni House Deputy Minority Leader ken Mamamayang Liberal Party-list Rep. Leila de Lima a rumbeng a maaddaan ti bileg ti Office of the Ombudsman nga i-access ken adalen ti bank accounts ken records kadagiti im-imbestigaranda.
Ti kiddaw ni de Lima ket nakaipauneg ti impilana a House Bill 5701 a gagem a maamyendaran ti Republic Act 6770 wenno ti Ombudsman Act of 1989 ken Bank Secrecy Law.
Segun ken ni de Lima, makapadanag ti imbestigasyon iti Ombudsman ta kasapulanna pay ti makaala ti court order tapno maaddaan ti access iti maseknan a bank accounts ken records.
Nadismaya ni de Lima ta maar-aramat dagiti korap dagiti abot iti linteg tapno saan a makalluban dagiti aramidda.
Impaganetgetna nga ita a rumbeng a mapapigsa ti bileg ti Ombudsman kas Tanodbayan iti panag-imbestigar iti adu nga anomalya.
