Imbasura ti Office of the Ombudsman ti reklamo a plunder, graft ken malversation kontra kada Executive Secretary Ralph Recto ken dati a Philippine Health Insurance Corp. (PhilHealth) Chief Executive Officer Emmanuel Ledesma.
Ti reklamo ket gapu iti bilin ni Recto idi isuna pay laeng ti hepe ti Department of Finance nga iyakar ti saan a naaramat a pondo ti PhilHealth nga aggatad ti P60 bilyon iti national treasury kasaruno ti special provision ti 2024 budget.
Nakaipalaon iti 40-pages a resolution, imbasura da ti reklamo gapu iti kinakurang ti prima facie evidence ken dadduma pay nga ebidensia kontra kadagiti nadakamat nga opisial.
Innayon da pay nga isu nga imbasura da ti panaglabsing iti Anti-Plunder Act gapu ta naisubli metten ti P60 bilyon a pondo iti PhilHealth.
