Isagsaganan ti Office of the Ombudsman ti panagisayangkat ti imbestigasion mainaig iti naiturn-over a computer ken dokumento ti pimmusay a Department of Public Works and Highways undersecretary Maria Catalina Cabral.
Segun ken ni Assistant Ombudsman Atty. Mico F. Clavano, dumalan iti ‘digital forensic examination’ ti Central Processing Unit wenno C.P.U. nga inusar ti dati nga opisial.
Daytoy ket kasaruno ti panag-isyu iti Ombudsman ti ‘subpoena duces tecum’ a mangibil-bilin tapno ma-produce ti nasao a banag.
Pinasingkedan ni Clavano a siguradoen ti opisina nga agbalin a transparent ti maisayangkat nga imbestigasion, kadua ti Commission on Audit (COA), Department of Public Works and Highways, ken Philippine National Police Anti-Cybercrime Group. Reynand Fontejon
