Pinalagipan ti Office of the Civil Defense ti publiko nga agsagana ken suroten dagiti balakad ti maseknan mainaig iti sumangbay a Bagyo Opong iti pagilian.
Dayta ket gapu ta segun iti PAGASA, manamnama a pumigsa pay ti Bagyo Opong kas Typhoon sakbay nga ag-landfall idiay Bicol Region inton malem no bigat.
Segun ken ni OCD Administrator Usec Harold Cabreros, bayat a sangsangwen ti pagilian ti epekto ti naglabas a bagyo Mirasol ken Super Typhoon Nando, adda latta ti pangta ti layus ken panagreggaay ti daga ta adu a tudo ti itunda ti bagyo.
Maibasar iti kaudian a record ti National Disaster Risk Reduction and Management Council iti nagtipon nga epekto dagiti dua a bagyo ken habagat ken umaboten iti 11 ti natay ken umabot iti 147,000 a pamilia wenno katukad iti 508,000 nga indibidual ti apektado.
