Ikonsiderar ti National Security Council iti amin a pangta iti biag ni President Ferdinand Marcos Jr. a maysa a patangan ti national security.
Dayta ket kalpasan a pinangtaan ni Vice President Sara Duterte ni President Marcos ken pamiliana nga ipapatayna nu mapapatay isuna.
Segun ken ni National Security Adviser Eduardo Año, ikonsiderar iti National Security Council ti amin a pangta iti presidente a seryoso ken maikonsiderar a national security.
Immunan a pinasingkedan ti bise presidente a nakakontaken ti assassin wenno killer a mangpatay kada President Marcos, asawana a ni First Lady Liza Araneta-Marcos ken House Speaker Ferdinand Romualdez tapno maibales nu kas bilang adda mapasamak a saan a nasayaat kenkuana.
Innayon ni Año a makikamkammayeten ti National Security Council kadagiti law enforcement ken intelligence agencies nga agimbestigar iti nasao a banag.
