Sinigurado ti National Food Administrator (NFA) Larry Lacson iti publiko a nakasagana iti ahensya a mangiruar ti NFA rice tapno tulongan dagiti institusyon iti panawen ti didigra ken emergencies uray holiday season.
Ti addang ket inaramid ni Lacson kagiddan ti aktibidad ti Bulkang Kanlaon ken ti mabanbantayan a saan a nasayaat a panawen.
Pipinapigsa ti NFA dagiti strategy iti panaggatang ti irik iti salinong ti Price Range Scheme tapno tignayan dagiti kiddaw a bagas ti Department of Social Welfare and Development, local government units, ken dagiti agpampanday linteg tapno warasan dagiti apektado a pamilia ken umili kadagiti apektado a lugar a nadidigra.
Ita a tawen ket nagun-od ti NFA iti 95% a buffer stocking target babaen ti agdama nga inventory a 5.661 million bags iti equivalent milled rice.
Impaganetget ni Lacson iti kinapateg a masustenar ti pannakikammayet kadagiti local farmers ken chief executives tapno masigurado ti husto nga oras a panagresponde bayat ti emergencies.
