VIGAN CITY – Masapulen a maaddaan ti negatibo a resulta ti Reverse Transcription – Polymerase Chan Reaction Test Result kadagiti Authorized Persons Outside Residence (APOR) ken Locally Stranded Individuals (LSI) sakbay a makastrek ti probinsya kabayatan ti maipapatungpal a community quarantine.
Imparruar ni Governor Ryan Singson ti Executive Order No.27 wenno iti panangmandar a kasapulan iti negatibo RT-PCR Test tapno maliklikan iti panagwaras iti COVID19 ken maduktalan a dagus no siasinu dagiti positibo iti nasao a virus.
Kadagiti agawid a Returniung Overseas Filipino masapol nga addaan da iti certificate manipod ti Bureau of Quarantine a nalpas da ti sangapulo ket uppat nga aldaw a quarantine period, Negative Result ti RT-PCR Test, Travel Authority malaksid kadagiti itulod ti OWWA, DOTr wenno dadduma a Government Agency a mangasistar kadakuada. Para kadagiti LSI masapol ti Health Certificate, Travel Authority, Proof of Residence, Koordinasyon ti LGU wenno Certificate of Acceptance manipod ti LGU, Negative a RT- PCR a rimmuar ti resulta na pito pulo ket duwa nga oras manipod iti aldaw nga iseserrek ti probinsya. Dagiti APOR masapol iti I.D, dokumento nga adda iti rason na a sumbrek ti probinsya, ken Negative a RT- PCR Test a rimmuar iti resulta na pito pulo ket duwa nga oras manipod iti aldaw nga iseserrek ti probinsya.
Amin a sumbrek ti probinsya ket tungpalen da amin a Health Protocol ti boarder ken makita amin a dokumento, panangfill up dagiti form kasta met dagiti aggapo ti lugar a naapektaran ti COVID19 ket dumalan ti sangapulo ket uppat nga aldaw a panagquarantine.
