Ag-isyu ti National Bureau of Investigation (NBI) ti subpoena kontra kada Batangas 1st District Representative Leandro Leviste ken dati a Congressman Jacinto “Jing” Paras mainaig ti imbestigasion ti “bugaw” scheme kontra ken ni Executive Secretary Ralph Recto.
Mapapati a karaman da Leviste ken Paras iti panangbukel ti istorya wenno panag-frame ken ni Recto tapno iraman iti kaso a human trafficking, prostitution ken panagaramat ti ilegal a droga.
Naggapu ti subpoena iti nagbalin a panangaklon ken affidavit ti maysa a talent manager a nakemmeg ti NBI-NCR iti maysa nga entrapment operation iti maysa a hotel idiay Malate, Manila.
Imbutaktak ti talent manager a nakapatang isuna ni Paras tapno agirruar ti aramid nga statement dagiti uppat a babbai a pinilit isuda ni Recto nga agaramat ti ilegal a droga ken dadduma pay, kasukat ti maipagarup a P1 milyon tunggal maysa wenno P5 milyon a bayad para iti kabuklan para iti talent manager ken dagiti uppat a babai a biktima.
Impaganetget pay ti talent manager a ni Leviste ti maipagarup a financer iti nadakamat a plano kontra ken ni Recto.
