VIGAN CITY – Kitkitaen ti Commission on Election nga ingato ti honoraria dagiti miembro ti electoral board ken support staff para iti 2025 midterm elections gapo iti manamnama a nayon nga oras ti panagbobotos.
Segun kenni Comelec Chairman George Garcia, ilabanda iti komisyon a manayunan ti honoraria dagiti mangisursuro ‘across the board’ agsipud ta saanda met nga exempted iti tax.
Plano ti komisyon nga agipatungpal ti nasapsapa a voting hours para kadagiti vulnerable voters pakairamanan dagiti persons with disabilities (PWDs), senior citizens, ken masikog manipud iti oras ti alas-singko agingga alas-syete iti bigat.
Iti naglabas nga automated elections, adda ti siam a ribo a pisos nga honorarium para kadagiti miembro ti electoral board ken walo ribo a pisos para iti support staff.
Kabayatanna, saan nga agaramat ti transparency server ti Comelec inton eleksyon ngem ti resulta ket aggigiddan a maipatulod kadagiti data center pakairamanan ti National Citizens’ Movement for Free Elections (NAMFREL), Parish Pastoral Council for Responsible Voting (PPCRV), ken media server.
Maipatungpal met ti internet voting para kadagiti Overseas Filipino Workers (OFW) ken ti mall voting iti intero a pagilian.
Inpasigurado met ni Garcia nga awan ti mapasamak a hacking gapo ta ti poll scanner ket wireless.
