VIGAN CITY – Inpasigurado ti National Disaster Risk Reduction and Management Council (NDRRMC) nga adu iti tulong nga ited da kadagiti naapektaran iti kaudian a gingined a napasamak idiay Mindanao idi kalman.
Ti pannaki-uman ti Bombo Radyo Vigan ken ni NDRRMC- Office of the Civil Defense spokesman Mark Timbal, nadakamat na a naipatulod dan dagiti nayon a relief support para kadagiti naapektaran a tattao.
Pakaibilangan kadagiti relief support nga inpatulod ti national government ket dagiti family food packs, temporary shelter ken dadduma pay a kasapulan dagiti tattao, nangruna dagiti nagbakwit.
Natalek ni Timbal a kabaelan dagiti local disaster units iti agresponde kadagiti naapektaran a tattao ngem nu kasapulan da iti augmentation ket adda dagiti nakasagana nga augmentation team nga ipatulod ti NDRRMC.
