Nakasublin dagiti walo a Filipio caregivers iti Pilipinas manipod Israel nga isu ti kaudian a batch dagiti overseas Filipino workers nga immunan a nagkiddaw ti repatriation kasaruno ti tension iti Israel ken Iran idi napan a bulan.
Ti kaudian a batch dagiti OFW a nairepatriate manipod Israel ket simmangpet iti Ninoy Aquino International Airport Terminal 1 a pinasangbayan dagiti Department of Migrant Workers officials, social welfare personnel ken airport medical staff.
Segun ti DMW, ti kasangsangpet a batch ket isun iti maika-tallopulo ket walo a batch dagiti OFW a narepatriate manipod Israel manipod inrusat iti Philippine Government ti voluntary repatriation program idi 2023 ken isu iti maikadua a batch dagiti Pilipino a naiyawid manipod Israel manipod nangrugi iti tensyon iti Israel ken Iran idi napan a bulan.
Adun a Pilipino iti inyawid ti Philippine government manipod Middle East kasaruno iti panagsinnublat a panagpabanto iti Iran ken Israel ngem idi laeng June 24 ket impakaammon ti Amerika ti ceasefire dagiti dua a pagilian.
