Rinugianen ti Social Security System (SSS) ti nasapsapa a panangipatungpal iti maikadua a paset ti 10% a panagpangato iti binulan a pension para kadagiti retirado ken pensyonado nga adda rangkapna.
Immunan nga impakaammo ti SSS nga idurduronda ita a bulan ti maikadua a paset ti panagpanagto ti pension para kadagiti retirado nga adda rangkapna, manipod iti orihinal a plano nga inton Setyembre.
Gagem ti addang a maikkan ti pinansyal a tulong dagiti pensyonado iti SSS iti baet iti epekto ti inflation ken krisis iti presyo iti langis gapu iti sitwasyon idiay Middle East.
Mangiruar ti SSS iti nasurok-kumurang P6 billion a nayon a benepisyo iti pension manipod Hunyo agingga Agosto 2026 tapno matulongan dagiti pensyonado a makabaelan iti panagpangato ti presyo dagiti magatang ken gastos iti enerhia.
Kinuna ti SSS a dagiti pensyonado agingga May 31, 2026 ket agbalin a kualipikado tapno makaawat ti nayon a pension manipod June 1, 2026.
