Agbalin a P12 kada litro ti kissay para kadagiti tsuper ti jeepney ken UV express manipud Agosto 15 kas panangsurot iti direktiba ni Presidente Ferdinand Marcos Jr a nayonan ti discount iti petrolyo iti sektor ti transportasion.
Segun ken ni Executive Secretary Ralph Recto, no maipatungpal daytoy, umabot iti P1, 800 kada lawas ti magunggonaan dagiti drivers.
Daytoy ket nayon iti inisyal a P10 discount kada litro a narugyan idi Abril a nakatulong iti nasurok 93, 000 a PUV drivers.
Kalaksidan daytoy, imbilin pay ni Recto ti Department of Social Welfare and Development a siguradoen nga umabot ti UPLIFT assistance kadagiti agkasapulan a sektor, pakairamanan dagiti mannalon, mangngalap, mangmangged iti transportasion ken konstraksion kasta payen dagiti mangmangged a nababa ti pastrek da.
