Inlawlawag ni Senate President Francis Escudero nga awan ti plano ti Senado a kissayan dagiti holiday iti pagilian.
Ti addang ket kalpasan a kinontra dagiti labor group ti singasing ni Escudero ta dakkel a tulong para kadagiti mangmangged ti nayon a bayad nu adda holiday idinto a ti dadduma ket adda gundawayda a makadua ti pamiliada.
Segun ken ni Escudero, ti pagannurotan a maidurduron iti Senado ket saanen a nayonan pay dagiti holiday ta adu unayen ngem awan ti planoda a kissayan dagiti agdama a holiday a maramrambakan.
Umabot iti agingga duapulo ket lima ti national ken local holidays iti pagilian isu a kayat ti senador a saanen a manayunan.
Siguradoen ni Escudero a saan a mapasamak iti 19th Congress ken napaut a patangan nu bilang pagpapatagan ti pannakakissay wenno panagkakadua dagiti agpapada a holiday iti pagilian.
