--Ads--
Inaprubaran ti House of Representatives iti maikatlo ken pinal a pannakaibasa ti gakat a mangdekdeklarar iti September iti kada tawen kas National Bullying Awareness and Prevention Month.
Nakaala ti House Bill No. 10134 iti 245 affirmative votes idinto nga awan iti kimmontra ken nag-abstain.
Gagem ti gakat a papigsaen ti ammo kontra iti bullying ken iduron iti nataltalged nga aglawlaw para kadagiti agtutubo kangrunaan kadagiti pagadalan.
No agbalin a linteg, bilinen ti Department of Education (DepEd), katinnulong ti National Youth Commission (NYC) ken Council for the Welfare of Children (CWC) a mangbukel iti tinawen a programa ken dagiti aktibidad para iti panaglagip ti National Bullying Awareness and Prevention Month.
-- ADVERTISEMENT --
