Umaboten ti siam a tattao dagiti natay iti pammaltog iti maysa a pagadalan idiay Thailand idi Biernes.
Segun kadagiti otoridad, pimmusay payen iti agtawen sangapulo ket dua a babai gapu iti sinagabana a tama iti bala.
Pinasingkedan ti Plai Bang Police Station iti Nonthaburi a natay ti ubing a babai idi Sabado, maysa nga aldaw kalpasan a pinaltogan ti maysa nga agtawen iti sangapulo ket uppat a lalaki ti lolo ken lolana.
Kalpasan a pinaltogan ti barito ti lolo ken lolana ket nagturong isuna iti pagadalan ken isu met a nangpaltog, ken pinaltoganna met laeng ti bagina.
Naammoan dagiti otoridad a naminsan idin a naalaan ti maysa nga airgun ti nasao a barito ken mapapati nga agbuybuya kadagiti naranggas a content online.
Mapapati pay a nakasursuro ti barito nga agaramat ti paltog babaen kadagiti makitkitana iti social media.
