Umaboten iti duapulo ket innem ti bilang dagiti naipakaammo a natay gapu iti epekto ti Bagyo Inday ken habagat kas pinasingkedan ti Office of Civil Defense (OCD).
Iti pakaammo iti OCD, karaman kadagiti naireport a natay ket sangapulo manipod Sarangani, pito manipod Lanao del Sur, uppat iti Davao Occidental, sag-dua idiay Zamboanga Sibugay ken Bukidnon ken maysa idiay Iloilo.
Naipakaammo a siam iti nadunor pakairamanan dagiti sag-dua idiay Benguet, Lanao del Sur ken Maguindanao del Norte, idinto a saggaysa idiay Marinduque, Davao Occidental ken Sarangani.
Umabot met iti sangapulo ket uppat iti naireport a mapukpukaw pakairamanan ti lima idiay Davao Occidental, uppat idiay Lanao del Sur, sag-dua idiay Zamboanga del Sur ken Sarangani ken maysa idiay Maguindanao del Sur.
No pay kasta ket inlawlawag ti OCD nga agtultuloy iti panagverify kadagiti naireport a bilang.
