Matuloy ti nakatuding a Bangsamoro Autonomous Region in Muslim Mindanao Elections inton Setyembre 14, segun iti Commission on Elections.
Pinasingkedan ni COMELEC Chairman George Erwin Garcia nga awan ti rason tapno itantan ti eleksion.
Daytoy ket kasaruno ti panangtambang iti convoy ni BARMM Interim Chief Minister Abdulraof Macacua idiay Datu Odin Sinsuat, Maguindanao del Norte.
Nagkedked met ni Garcia ti agwarwaras nga impormasion a saan a matuloy ti eleksion ken inawagan na dagituy a fake news.
Kabayatanna, pinasingkedan ni COMELEC Chairman George Erwin Garcia a pinainget da ti seguridad kadagiti balota, ballot boxes, vote-counting machines ken dadduma pay nga election paraphernalia a mausar inton Setyembre 14.
Ibilang pay ti ahensia ti panangtambang kas election-related violence gapu ta ni Macacua ket maysa nga incumbent chief minister ken kandidato iti eleksion.
Nupay kasta, impaganetget ni Garcia a normal latta ti sitwasion iti BARMM ken awan ti makitkita a rason tapno agbuteng ken isardeng ti panagsagana para iti eleksion.
