Nasurok uppat a milion a pisos a gatad ti fully grown marijuana plants ken marijuana seedlings ti balligi a dinadael dagiti otoridad kadagiti uppat a plantasyon idiay Barangay Licungan, Sugpon, Ilocos Sur.
Iti Site 1 nga agrukod iti 300 square meters ket naparut ti sangaribo dua gasut a piraso ti fully grown marijuana plant nga aggatad iti PHP240,000
Iti Site 2 nga agrukod iti 1,300 square meters ket adda ti 9,100 a piraso ti fully grown marijuana plant nga aggatad iti PHP1,820,000.
Iti Site 3 nga agrukod iti 400 square meters ket adda iti 1,600 a piraso ti marijuana seedlings nga aggatad iti PHP64,000.
Kabayatanna, iti met Site 4 nga agrukod iti 5,000 square meters ket nadadael met ti 50,000 a marijuana seedlings nga aggatad iti PHP2,000,000.
Nupay kasta, adda ti pakabuklan a 10,300 a piraso ti fully grown marijuana plants nga aggatad iti PHP2,060,000 ken limapulo ket maysa a piraso ti marijuana seedlings nga aggatad met iti 2,064,000.
Pakabuklan amin a PHP4,124,000 ti gatad dagiti naparut ken napuoran a marijuana plants ken seedlings iti nasao a lugar.
Saan pay met a nabigbig no siasino ti cultivator ken akinkukua ti daga.
