Nakolekta ti Land Transportation Office (LTO) ti nasurok P8.3 billion iti umuna a bulan iti 2025 a mangipasimudaag a maabotna iti revenue target a P34 billion para iti intero a tawen.
Segun ken ni LTO Assistant Secretary Atty. Vigor Mendoza II, ti nasurok P8.3 billion a nakolekta agingga idi March 31 ket resulta iti estratehiko a pannakaipatungpal dagiti pagannurotan, napaspas a proseso dagiti transaksyon ken nasayaat a pannakaipatungpal dagiti pagannurotan iti kinatalged iti kalsada.
Impaganetgetna a ti nangato a koleksyon ket makatulong saan laeng a ti panangpasayaat dagiti serbisyo iti ahensya nu diketdi para pay iti panangpondo iti agduduma a programa ken proyekto iti gobierno para kadagiti Pilipino.
Nagyamananda pay dagiti empleado ti LTO iti kinagaget ken dedikasyonda iti trabaho.
