VIGAN CITY-Agdagupen ti nasurok P55 milyon ti gatad dagiti nadadael iti agrikultra ditoy probinsiya gapu iti nepnep kas maibasar iti inisyal report ngem mapatta-patta a ngumato pay ta saan pay a nakaipasa ti report dagiti amin a municipal agriculture office.
Segun kenni provincial agriculture officer Constante Botacion,manipud iti pakadagupan a gatad ket iti rice sektor ti kadakkelan ti dadael nga agdagup iti P35 milyon , kadagiti mula a natnateng ket agdagup iti P11 milyon a pisos ken iti fisheries ket nasurok P10 milyon.
Iti sabali a bangir, indeklarar ti lokal a gobierno iti ili ti Narvacan ti state of calamity gapu iti epekto ti nepnep kadagiti napalabas a lawas a nakadadaelan iti agrikultura ken imprastraktura nga aggatad iti nasurok P7 milyon.
Manipud kadagiti tallo 34 a barangay iti nasao nga ili , 21 dagiti nakaro a naapektaran ngem maikkan da amin ti relief goods.
