--Ads--
VIGAN CITY – Uppat a pulo ket walo nga estudyante ti Vigan National High School East idiay Barangay Nagsangalan, Vigan City iti natalimudaw idi June 20 ken June 21 gapu iti mapapati a pudot iti panawen ken bisin da.
Idi June 20, sangapulo ket pito nga estudyante iti natalimudaw kabayatan ti simultaneous earthquake drill iti nasao a pagadalan idinto nga idi June 21 ket nasurok a tallo pulo iti natalimudaw kabayatan iti naisayangkat a Holy Spirit mass.
Segun iti maysa kadagiti mangisursuro iti nasao a pagadalan, nailet ken napudot iti lugar a nakaisayangkatan ti misa ta uray nu adda iti electric fan ket saan a mapal-idan amin dagiti estudyante.
Ti agdama, saan pay laeng a nagkomento ni principal Anita Presto iti napasamak.
-- ADVERTISEMENT --
