Nasurok kumurang siam a ribo a pisos ti natakaw manipud iti maysa nga establisimiento idiay Barangay San Jose, Candon City, Ilocos Sur.
Dagiti biktima ket agtawen iti uppat a pulo ket uppat, negosyante ken akinkukua ti Akly Inihaw; ken ti maysa nga agtawen iti duapulo ket tallo, agpada a taga-Barangay San Nicolas.
Ti met suspek ket agtawen iti limapulo ket tallo, negosyante, taga-Barangay San Jose.
Segun ken ni Tejada, bayat ti kaaddana iti puesto nga agtuntuno, simmangpet ti suspek ket nagsingir iti utang ni Rabago nga innem a gasut a pisos.
Gapu ta awan ni Rabago iti dayta a gundaway, impatangna iti suspek nga aguray tapno ti singsingirenna ti mismo nga agbayad kenkuana.
Ngem nupay kasta, innala ti suspek ti green basket nga iggemna a naglaon iti nasao a gatad.
Kalpasanna, kinuna ti suspek a ti kuartan nga innalana ti agserbi a bayad iti utang sa pimmanaw.
