Nasurok-kumurang 72,000, bilang ti bimmisita kadagiti kamposanto iti Ilocos Sur kabayatan ti Undas

Nasurok kumurang iti 72,000 ti bimmisita kadagiti siam a pulo ket dua a public ken private cemetery ti Ilocos Sur kabayatan ti Undas ita a tawen.

Iti pannaki-uman ti Bombo Radyo Vigan ken ni Police Provincial Director PCol. Agosto Asuncion ti Ilocos Sur Police Provincial Office, 2,734 ti total deployment buklen iti 926 manipud iti Philippine National Police ken 30 manipud iti counterparts ken iti 24^th Infantry Battalion.

36 met manipud iti Philippine Coast Guard, 249 iti Bureau of Fire Protection ken 1,200 dagiti tanod ken barangay official.

Pagyamananna ti kooperasion dagiti umili iti naannayas a pannakapaliiw ti piesta ti natay ditoy probinsia agsipud ta awan dagiti natiliwda a naglabsing kadagiti indatagda a pagannurotan.