--Ads--
VIGAN CITY– ANpunno dagiti hotel iti syudad ti Vigan gapu iti temporaryo a panagtalinaed dagiti nasurok a sangaribo a motorcycle riders manipud iti naduma-duma a paset iti pagilian a bimmisita iti probinsiya.
Naigiddan daytoy iti panagselebrar iti kasangay ni dati a Congressman Ronald Singson.
Segun kenni Gov. Ryan Singson, kasla nagbalin a big bike show dagiti nangingina a motorsiklo iti inparada dagiti riders idiay Plaza Burgos kabayatan iti panagpasyar da iti syudad.
Maipalagip a miyembro dagiti agkabsat a Singson iti maysa a dakkel a Rider’s Club iti pagilian isu’t gapu na a tinawen nga adda iti pumaspasyar iti probinsiya manipud idi tawen 2013 iti kada panagkasangay ni dati a congressman.
