VIGAN CITY – Sangagasut pito pulo ket lima a bag ti nadumaduma a pork ken chicken product a mapatta-patta nga aggatad ti innem a pulo ket tallo a ribo a pisos ti nasalamaan dagiti kameng ti Provincial Quarantine Office iti quarantine checkpoint idiay Brgy. Bio, Tagudin.
Nabigbig ti nagmaneho ti van a ni Rodrigo Mar, agtawen ti uppat a pulo ket innem nga agnaed idiay Brgy. Alimasag, San Jose, Tacloban City, kaduana ni Juanito Ninez, agtawen ti uppat a pulo ket uppat nga agnaed idiay Sapang Maisac, Mexico, Pampanga.
Segun ken ni Provincial Quarantine Officer Martel Quitoriano, im-imbestigaran dan no pudno a naggapu idiay Pampanga dagiti nasao a produkto wenno posible a naggapu kadagiti sabali a pagilian.
Ti agdama, maisagsaganan iti kaso a sanguen ti nagmaneho ti nasao a van a nakaikargaan dagiti nasao a produkto pakairamanan ti kadua na.
