--Ads--
Agisayangkat manen ti National Food Authority ti auction iti 741, 570 a sako ti lokal a bagas a nasurok innem a bulan a nakapenpen kalpasan a napaay iti umuna nga auction idi Hunyo 30.
Segun iti NFA, ti kabuklan a gatad dagiti bagas a naidalan iti auction ket umaboten iti P1, 068,144,811.
Mapasamak ti pre-auction conference ita nga aldaw, Agosto 5, kabayatan a ti panaglukat dagiti bid ket inton Agosto 12.
Mabalin nga inspeksionen dagiti interesado a bidder dagiti stock ti bagas kadagiti NFA Branch Office manipud Agosto 5 agingga Agosto 10 iti oras ti alas-8 ti bigat agingga alas-5 ti malem.
-- ADVERTISEMENT --
Masapul nga agbayad dagiti bidder ti auction bond a katukad ti saan a bumaba iti 10% ti idiaya-da iti tunggal lote.
