Immabot met iti P125.15 milyon ti liquidation report ti naipasa iti Commission on Audit nupay P125 milyon laeng ti naawat a confidential funds ti Office of the Vice Presidente idi Disiembre 2022.
Pinasingkedan ni COA auditor Roderick Wamil a basar kadagiti dokumento nga impasa ti OVP mainaig ti P125 milyon confidential fund allocation idi 2022, umabot iti P125.15 milyon a gatad ti nakailanad kadagiti dokumento a naipasa tapno maikkan no kasano a naaramat daytoy.
Karaman kadagiti dokumento nga impasa ti OVP tapno maikkan-kinapudno ti panagaramat ti confidential funds ti maysa nga acknowledgement receipt ti nagpayyam-ammo nga immawat ni Mary Grace Piattos ti P70, 000 kas payment of rewards nga adda nakailanad a ‘medicines”.
Maysa pay nga acknowledgement receipt a naipasango iti Senate trial ket nakainagan ken ni Renan Piattos para iti P110, 000.
Ti maysa pay a resibo ket nakainagan ken ni Miko P. Harina para iti P295, 000 a nailatang para iti panaggatang ti supplies nga adda petsa na a Disiembre 31, 2023.
